TermRecord and Ubuntu

ဒီနေ့ရေးချင်တာက ဒီရက်ပိုင်း ပေါ်လာတဲ့ တာမင်နယ် မှာကိုယ်လုပ်တာကို မှတ်တမ်းတင်တဲ့ app တခုအကြောင်းပါ။ အရင်က ttyrecord နဲ့ မှတ်တမ်းတင်တာကို ရေးပေးခဲ့ဖူးပါတယ်။ အခု နည်းကတော့ ပိုကောင်းတယ်လို မြင်မိလို့ပါ။ Ubuntu မှာ သွင်းပုံလေးရေးပေးပါ့မယ်။ ပထမဦးဆုံးအနေနဲ့ pip ကိုသွင်းရပါမယ်။

$ sudo apt-get install python-pip

ပြီးရင် တကယ်လုပ်ဆောင်မယ့် TermRecord ကိုသွင်းပါမယ်။

$ sudo pip install termrecord

သွင်းပြီးလို့ စပြီးစမ်းကြည့်မယ်ဆိုရင် နမူနာအနေနဲ့

$ TermRecord -o /tmp/test.html

ဒီနေရာမှာ ရှင်းပြချင်တာကတော့ TermRecord ရေးပြီးနောက်က -o က output file ကိုဘယ်မှာထားမလဲ နေရာညွှန်ပေးရပါမယ်။ ဥပမာ အနေနဲ့ /tmp/test.html ဆိုပြီး root အောက်က tmp folder ထဲမှာ test.html နာမည်နဲ့ သိမ်းလိုက်တာပါ။ ဒီ app ရဲ့ အားသာချက်က ဖိုင်ကို html ပုံစံနဲ့ သိမ်းပြီး ပြန်ဖွင့်ရင် browser နဲ့အလွယ်တကူ ဘယ်သူမဆို ဖွင့်ကြည့်နိုင်တာပါပဲ။ ဖိုင်သိမ်းချင်တဲ့နေရာတော့ကြိုက်ရာနေရာမှာ သိမ်းနိုင်ပါတယ်။ TermRecord နဲ့စာရေးပြီးလို့ ထွက်ချင်ရင်တော့ exit ဆိုတဲ့ command နဲ့ထွက်နိုင်ပါတယ်။ မှတ်တမ်းတင်မှုလည်း ပြီးဆုံးသွားပါတယ်။
မှတ်တမ်းတင်ပြီးတဲ့ ဖိုင်ကို browser မှာပြန်ဖွင့်ရင် ဒီလို ခလုတ်လေးတွေ တွေ့ရပါမယ်။

Play/Pause , Restart , -5x (adjust play speed) +5x

အားလုံးပဲ ကိုယ့်ရဲ့စက်မှာ တခုခုဖြစ်ခဲ့ရင် (သို့) သူငယ်ချင်းတွေကို တာမင်နယ်က ဖြစ်စဉ်တခုကို ပြချင်ရင် ဒါလေးက တော်တော်အသုံးဝင်မယ်လို့ မျှော်လင့်ပါတယ်။ အားလုံးအဆင်ပြေပါစေ။

Tho Hi

Leave a Reply

Your email address will not be published. Required fields are marked *